4–5 шілде күндері елордада Астана күніне орай ұйымдастырылған «Астана кубогы 2026» қалалық гольф турнирі өтті. Audi Kazakhstan жарыстың серіктесі ретінде Hole-in-One арнайы сайысына бас жүлде — толық электрлі Audi Q8 e-tron автокөлігін ұсынды.
Екі күнге созылған турнир барысында «Астана» гольф-клубының алаңында 70-тен астам қатысушы бас қосты. Ойыншылар 18 шұңқырдан тұратын бағытты өтіп, дәлдік, жинақылық және үнемі өзгеріп отыратын жағдайда дұрыс шешім қабылдау шеберлігін көрсетті.
Турнирдің ерекше сәттерінің бірі Hole-in-One сайысы болды. Оның негізгі шарты — допты бастапқы соққы орнынан бір ғана соққымен шұңқырға түсіру. Бұл — мінсіз техника, нақты есеп және жоғары шеберлікті талап ететін гольфтегі ең сирек әрі әсерлі жетістіктердің бірі.
Hole-in-One сайысының бас жүлдесі ретінде толық электрлі Audi Q8 e-tron ұсынылды. Модельдің гольф алаңында таныстырылуы Audi мен заманауи гольфты біріктіретін ортақ құндылықтарды — дәлдікті, технологиялық жетілдіруді, прогрессивті көзқарасты және әрбір бөлшекке мұқият назар аударуды айшықтады.
Audi Q8 e-tron — мәнерлі дизайнды, премиум деңгейдегі жайлылықты және толық электрлі форматтағы фирмалық quattro динамикасын үйлестіретін Audi электр мобильділігінің жаңа буыны.
«Астана кубогы 2026» турнирімен серіктестік Audi Kazakhstan-ның елорданың заманауи келбетін қалыптастыратын және адамдарды даму мен жаңа жетістіктерге ұмтылу идеясы аясында біріктіретін спорттық және мәдени бастамаларды қолдауының жалғасы болды.
