Электрлі. Және таң қалдырарлық бөлшектерге толы.
Audi e-tron таза электрмобиль ретіндегі өзінің көшбасшылық рөлін атқарып шықты. Сондықтан да оның атын атап, түсін түстеп, Audi модельдерінің қатарына қабылдайтын сәт келді – Audi Q8 e-tron деген атпен.
Жоғары жылдамдықпен алысқа жету
Аккумуляторының үлкенірек сыйымдылығының және жоғарырақ зарядталу қуатының арқасында. Audi Q8 55 e-tron quattro, мысал ретінде, аккумулятордың бір зарядымен 582 шақырымға дейін жол жүреді.
Жоғары сапалы және цифрлық
Интерьері Сізді іріктелген, бағалы материалдарымен және Online-Media-Streaming секілді алуан түрлі Audi connect қызметтерімен қарсы алады.
Толық электрлі quattro орындалу нұсқасы
Толықтай электрлі quattro толық жетегі жетек сәттерінің екі ось арасында үнемі және толықтай өзгермелі түрде мінсіз үлестірілуін реттейді. Реакциясы ширақ және дәл. Жоғары жүріс тұрақтылығына және дербес тарту күшіне арналған.
Енді электр қуатының артықшылықтары мен қолдауларын пайдалану
Audi электрмобилін сатып алған кезде тартымды қолдау шараларын пайдалана аласыз. Опциялар жайлы ақпарат алыңыз және электр қуаты ұсынатын артықшылықтарға ие болыңыз.
Жаңа сәттерге жол ашады
Сыйымдылығы 106 кВтсағ-тық (нетто) жоғары вольтті аккумуляторының арқасында мүмкін болған максималды жүріс қоры 582 километрге дейін жететін жаңа, таза электр қуатымен жүретін Audi Q8 e-tron көлігімен таныс болыңыз. Аккумулятор зарядының деңгейі төмен болса, мультимедиа интерфейсінен Range-Mode режимін қосу арқылы басқа жүріс қорының әлеуетін пайдалана аласыз.
Қысқа зарядтау аялдамалары – бағдармен тиімді жүргізу
Қысқа зарядтау аялдамалары – бағдармен тиімді жүргізу: қуаты жоғары зарядтау станцияларындағы мүмкіндік. e-tron бағдар навигаторымен зарядтау аялдамалары жоғары заряд қуаты тиімді қолданыла алатындай етіп бағдармен жүргізуге кіріктіріледі.
Энергия өндіру. Рекуперацияның арқасында:
Рекуперациялау жүйесімен жетекпен қозғалғанда да, тежелгенде де энергияны қайта жинап алуға болады. Жүргізу педалінен аяғыңызды алған кезде жүріс кезіндегі рекуперация қосылады. Рекуперациялау сатысы не автоматты түрде, не рульдегі ажыратқыштардың көмегімен қолмен орнатылады: үш сатысы қолжетімді.
Бәрі көз алдыңызда:
Audi virtual cockpit plus панеліндегі индикаторлар арқылы ықтимал рекуперация мен қалған жүріс қоры көз алдыңызда болады. Егер мультимедиа интерфейсінің интеллигентті навигаторын қолданатын болсаңыз, қалған жүріс қорын есептеу, мысалы, топографиялық және жолдағы көлік жағдайының мәліметтерімен бірге анағұрлым дәлірек болады. Ескертпе: суретте Audi Q8 Sportback e-tron автокөлігінің көрінісі берілген.
Сапар барысындағы жайлылық
Audi Q8 e-tron автокөлігімен Сізге алуан түрлі үйде және жол-жөнекей зарядтау мүмкіндіктері қолжетімді. Аккумуляторының ұлғайтылған сыйымдылығының және кешенді зарядтау ұсынысының арқасында алыс сапарларда да электрлі мобильділіктен ләззат алыңыз.
Үйде зарядтау:
Үйде зарядтау үшін Сізге e-tron kompakt не connect зарядтау жүйелерін таңдауыңызға болады. Audi қабырға блоктарының модельдері зарядтаудың одан да жоғары жайлылығын ұсынады.
Жол-жөнекей жоғары өнімділікпен зарядтау:
Шамамен 31 минуттың ішінде 10 %-дан 80 %-ға дейін зарядтау. Audi Q8 e-tron қуаты жоғары зарядтау станцияларында тек 170 кВт-тық зарядтау қуатымен ғана емес, тұрақты зарядтау қисық сызығымен де мақтана алады. Осылайша зарядтау процессінің басым бөлігінде жоғары зарядтау қуаты қосылады және аялдау уақытын қысқартады.
Екі есе жеңіл зарядтау:
Алдыңғы жолаушы жағындағы екінші айнымалы ток зарядтау ағытпасы кез келген тұрақ орнында барынша жоғары икемділік ұсынады. Одан да жылдам зарядтау үшін 22 кВт-қа (АТ) дейінгі борттық зарядтау құрылғысын қолданыңыз.
Бір қарағаннан электрлендіреді
Жаңа оптика орнатылған және ерекше үлгідегі күндізгі жүріс жарығы бар Audi Q8 e-tron озық технологияларын сыртына да білдіріп тұр. Күшті бейнеленген иық сызығы және әдеттен тыс үлгідегі күндізгі жарық шамы бар quattro архитектурасы Chronosgrau Metallic бояуымен ерекше көрініске ие болады.
Жарқыраған дизайн
Audi Q8 e-tron болашақтың электрмобильдерінің үлгісін көрсетеді: 2D оптикасындағы Audi сақиналары, алдыңғы бөліктің қайта өзгертілген дизайны және жалғыз жиектемелі проекциялық жарық секілді Audi сырт белгілер стратегиясының прогрессивті акценттері арқылы.
Прогрессивті дизайн
Ортаңғы бағандардағы лазермен бедерленген модельдің атауы, жаңа оптикадағы Audi сақиналары және e-tron жазбалары секілді шағын айшықтар дизайн тілінің үздіксіз ілгері дамуын көрсетіп тұр.
Прогрессивтік жарыққа ұласқан
Цифрлық матрицалы жарықдиодты фара Сіздің Audi Q8 e-tron-ыңыздың мінезін айшықтайды. Жарықтың бейімделетін үлестірілуі, жолаққа түсетін және бағдар жарықтары көлік жүргізу кезінде көмектеседі. Кеңейтілген жол жағдайы туралы хабарлау жүйесі апат болған және қауіпті жерлерде қозғалыс жолағына ескерту белгісін проекциялайды. Coming-Home-/Leaving-Home функциясы мультимедиа интерфейсі арқылы таңдауға болатын және бес динамикалық жарық көрсетілімімен кеңейтілді.
Көреген артқы көрініс
Виртуалды артқы көрініс айналарының шағын камералары кескіндерді салон ішіндегі 7 дюймдік OLED дисплейлерге шығарады. Фаралардың шағылысқан жарығына қарамастан олар жақындап келе жатқан көлік құралдарын асқан дәлдікпен анықтайды. Оған қоса олар аэродинамикалық кедергі коэффициентін жақсартады.
Прогрессивті дөңгелек дизайны
Қызыл түсті тежегіш суппорттары 5 шабақты аэро құрылымды дизайндағы қара металлик түсті 21 дюймдік Audi Sport дөңгелектерінің тәкәппар келбетіне өз үлесін қосып тұрады. 19 дюймнен 22 дюймге дейінгі өзге дөңгелектерді AUDI AG және Audi Sport GmbH компанияларының ұсыныстарынан таңдай аласыз.
Өршіл интерьер дизайны
Жай ғана мол кеңістіктен де артығын күтіңіз. Іріктелген материалдар, жоғары сапалы өңдеу және ілгерілшіл цифрлық функциялар Audi Q8 e-tron көлігімен кез келген сапарды премиум деңгейлі оқиғаға айналдырады.
Ұсақ-түйекке көзқарас:
Audi Q8 e-tron интерьерімен танысыңыз: қызыл түсті тігістер, Audi Sport GmbH, Valcona былғарысынан жасалған S таңбасы бедерленген алдыңғы спорттық орындықтар және қолжетімді карбонды шаршылы құрылымдағы сәндік элементтер
Акценттелген интерьер:
Көзге бірден жарқ етіп түсетін Audi Sport GmbH қызыл түсті тігістері. Экспресс қызыл түсті контрастылы тігістер өзгелерімен бірге орындықтарда, орталық консольде, руль дөңгелегінің шеңберінде және есіктердің шынтақтаяныштарында. Қызыл түсті жиегі бар қара түсті белбеу таспалары ерекше көзге түседі.
Премиум сападағы спорттық орта:
Күңгірт түсті көмескіленген алюминий немесе технологиялық антрацит тоқымасы секілді опция ретіндегі жоғары сапалы сәндік қыстырмалармен премуим сыныбы және спорттық стильді көрсетіңіз. Оған сәйкес тот баспайтын болаттан жасалған басқару педальдары.
Идеяларға арналған кеңістік:
Орыннан тарықпаңыз. Кең салонның артқы бөлігінде үш адамға дейін орын табылады. Жүксалғыш көлемі 528 литрімен таң қалдырады және орындықтар жиналған күйде тіпті 1 567 литрге жетеді.
Жүкке арналған қосымша орын:
Алдыңғы капоттың астында сыйымдылығы 62 литрді құрайтын жүкке арналған және бір орын бар. Оны, мысалы, зарядтау кабелін салуға пайдаланыңыз. Осылайша кабель үнемі зарядтау қақпағына жақын жерде қолданысқа дайын жүреді.
Өтінім қалдыру